Ciphertext

[apple]

Eg har ei positiv kjensle i dag, som om alt kjem til å ordna seg, nesten i løpet av dagen. Litt rart, men eg treng ikkje prøva å øydeleggja det heile med å analysera kjensla ihjel. Trur heller at eg skal prøva å omsetja den positive energien i litt oppgåveskriving.

[apple]

Eg oppdaga akkurat ei utfordring i masterprosjektet mitt som eg ikkje har sett før. Hmm. Nå må eg tenkja og grubla for å finna ut korleis eg skal løysa dette. Det har eg eigentleg ikkje tid til. Lurer på om eg skal prøva å søka om utsetjing, om å få levera 1. november i staden for 1. juli. Det er mogleg det er litt seint å søka om det nå. Pluss at eg vil eigentleg bli ferdig til sommaren, det er bare det at tida går så forbaska fort.

[apple]

Eg er framleis fagleg forvirra, men det begynner å gå mot ei løysing som ser grei ut. Er bare ikkje heilt sikker... :klø:

[apple]

[apple]

I kveld har eg og mannen gått tur langs Akerselva for å sjå om me fann stader me hadde lyst å bu. Og, eigentleg ganske som venta, så er me veldig positive til mesteparten av den strekningen me gjekk, frå Nydalen til Sannerbrua. Det verkar veldig greitt å ha eit parkanlegg/grøntområde som Akerselva er rett i nærleiken av der ein bur, og dessutan så er dette eit område som ligg godt skjerma for store vegar, spesielt i forhald til det motorvegkrysset (ikkje spesielt gunstig for meg som lett asmatikar ) me bur i nå. Nydalen overraska meg forresten positivt, det ser ut til å bil veldig fint der. Trur nok ikkje at me vil bu heilt kliss oppi alt det nye dei bygg der oppe, men det verka som eitt greitt område å bu i nærleiken av.

Me skal uansett ikkje flytta endå, definitivt ikkje før eg får meg ein jobb, som blir ein gong etter at eg har fått levert den hersens masteroppgåva. Truleg ventar me nok ei stund etter at eg har fått jobb òg, men det er jo greitt å vita kor me skal begynna å leita, så kan me jo følja litt med på kva som skjer i desse områda.

[Pip]

Berre innom som snarast, for å opplyse om at ja, me er tilbake frå ferie, og ja - me overlevde! Synd du ikkje var der, men kanskje neste gong?

Håpar det losnar når det gjeld oppgåva i alle fall - og eg skjønar ambivalensen i høve til å utsetje levering - det er jo ei fabelaktig kjensle viss du greier det innan fristen, og nok litt bittert å vite at 'no kunne eg ha vore ferdig'... Samstundes vil ein sjølvsagt helst få vist kva ein er god for. Håpar du finn ut av det!

[apple]

I går fekk me kjøpt alt me treng til å leggja nytt golv på kjøkken, og i dag kjem far på besøk for å hjelpa oss å leggja golvet. Me trur vel eigentleg at det er noko me kan klara heilt fint sjølv, men ettersom me ikkje har gjort det før, og han har, så følest det litt tryggare at han er der. Me har lite lyst å gjera ein eller annan teit tabbe som trekk ned og ser veldig amatørmessig ut når me skal selga leiligheten ein eller annan gong.

Når det gjeld oppgåva så trur eg at eg nå har forståinga under kontroll igjen. Eg føler meg til og med litt flink fordi eg, ved hjelp av ein veldig god ide frå mannen, har klart å modifisera ein algoritme på ein måte som gjer at han nå passar perfekt på mitt problem. Det gjenstår sjølvsagt å programmera dette endå, noko som vel eigentleg bør skje litt brennkvikt, men eg er ganske sikker på at eg forstår kva eg skal gjera, og at det kjem til å fungera heilt perfekt.

Eg trur bare eg skal prøva å kasta meg over skrivinga, og håpa at eg blir ferdig til 1. juli. Eg trur rett og slett ikkje at eg orkar å halda på heilt til november... Men det var det med å kasta seg over skrivinga då... Det er så utruleg irriterande, for eg veit at eg kan, eg bare strittar imot med alt eg har.

[apple]

Då har me lagt golv, pluss at me reiv ned tapet og fliser på den eine veggen, og reiv ut alle benkeskåpa, men klarte å behalda benkeplata slik at me framleis har vask. Og me har teikna det nye kjøkkenet vårt i IKEA-programmet, og i kveld skal me på IKEA. Her går det unna...

Neste tysdag startar dessutan burettslaget si oppussing av badet, så då reiser me likegodt til Italia, der eg har slekt me kan bu hos, og blir der til badet er ferdig. Dvs. mannen reiser heim litt før, men han går i alle fall glipp av perioden der det ikkje er vatn i leiligheten.

Elles så har eg innsett at eg nok ikkje kan klara å bli ferdig med oppgåva til 1. juli, så eg skal prøva å få flytta på den fristen. Det gjer ikkje noko om det blir 1. november, for eg treng jo ikkje halda på heilt til då likevel. Eg vil bare ha tid til å gjera meg ferdig utan å gjera dårleg hastverksarbeid. Så dersom eg er ferdig 1. august, så let eg bare oppgåva liggja fram til november, så leverer eg då. Eg kan jo sikkert søka jobbar sjølv om eg ikkje har levert oppgåva. Dei som leverer 1. juli får jo ikkje karakterane før utpå hausten uansett, så det viktige må vel vera at ein er ferdig, og at ein ikkje ligg an til å stryka?

[abelille]

Jeg er stadig inne og leser om deg, men jeg har visst ikke lagt igjen spor etter meg. Hmmm....

Mye spennende som foregår hos deg for tiden da. Og det er sikkert lurt å ha såpass med tid på hovedoppgaven at du er fornøyd. Det vil jo faktisk følge deg resten av livet gjennom jobbsøking. Lykke til med den og nytt kjøkken i alle fall!

[apple]

Eg må visst skriva søknad om å få utsetja levering av oppgåva, og då skal eg visst helst levera så fort eg kan, så 1. november er ikkje aktuelt. Så nå må eg møta vegleiar og leggja ein framdriftsplan, og finna ut når eg vil levera. Så må denne planen inngå i søknaden. Eg må innrømma at eg har lite lyst å snakka med vegleiar, for sist eg snakka med han så hadde me begge inntrykk av at alt gjekk etter planen. Er liksom litt redd for at han skal vera veldig oppgitt og lura på korleis eg klarte å enda opp i denne situasjonen...

[apple]

Takk for helsing, abelille! Eg ante ikkje at du pleier å lesa her. Men det er jo bare koseleg!

[apple]

I dag har eg vore og snakka med vegleiar, og han sa noko slikt som dette: You can do it. Don't eat, dont sleap, have the first draft ready for me by May 25th. Vel, eg skal nok eta og sova (to av mine yndlingsaktivitetar), men han fekk overbevist meg om at eg kan klara å levera på tida. Det vil sei at han må godkjenna førsteutkastet til heile oppgåva før 1. juni. Første halvdelen av oppgåva skal skrivast på ei veke. Eg var dum nok til å tru at dette kan gå. Så nå skal eg eta, kanskje trena styrke, og så skriva for livet.

[abelille]

Regner med at vi ikke ser mye til deg fremover da! Lykke til!

[apple]

Regner med at vi ikke ser mye til deg fremover da! Lykke til!

←

Me får sjå... Skal eg sitja ved dataen heile dagane så er jo KG grei avkopling. Og takk for lukkeønsking og klem, det kan koma godt med.

I ettermiddag/kveld har eg skrive ei side på introen. Reknar med at det blir 2-3 sider; skal prøva å få gjort litt til i kveld, så blir eg forhåpentlegvis ferdig med det kapittelet ganske tidleg i morgon. Det er bare å henga i.

[apple]

Då har eg jammen sagt ja til å jobba i morgon. Veit ikkje kor lurt det var med tanke på oppgåveskriving, men pengar er jo kjekt å ha... Dessutan så kan eg lura meg sjølv til å tru at eg får skrive litt på jobb, for eg skal ta med meg bærbar maskin og skriva når eg ikkje har andre ting å gjera. Men eg er redd for at det blir ein del å gjera; i motsetning til i påskeveka så er det vanleg arbeidsdag i morgon, der alle dei ansette faktisk er på jobb i staden for å ha påskeferie, og slikt gjer jo at det blir meir å gjera i resepsjonen.

[apple]

Ferdig med intrduksjonskapitlet!

Det er forsåvidt bare eit førsteutkast, og eg er ikkje veldig nøgd med teksten, men det er ikkje naudsynt på dette stadiet. Målet er å ha eit førsteutkast av heile oppgåva til 25. mai, og då har ein ikkje tid til å finpussa teksten. Det kan eg gjera i juni.

[apple]

Grei dag på jobb; eg fekk skrive ca. tre avsnitt, og snakka litt med folk eg jobba med (fagleg relatert) i fjor sommar. Kjekt!

Då eg kom heim slokna eg på sofaen, og vakna då mannen kom inn rundt 22. Døgnrytmen er nok ikkje heilt på topp lenger...

[apple]

Uff, eg føler meg veldig stressa om dagen, men har ikkje fått gjort noko særleg på oppgåva dei to siste dagane. Det er ein del å ordna heime for tida, for me skal reisa til Italia på tysdag, fordi me helst ikkje vil bu heime medan badet blir pussa opp. (Skal bu hos onkelen min i Italia.) Så det er pakking, passa på å kjøpa alt me eventuelt treng å ta med, gjera bad og kjøkken klart for oppussingsfolka (dei skal skifta røyr på kjøkken), vaska klede, ordna ting med folk eg ikkje skal sjå på ein månad, og sikkert meir som stressar meg ein del. Mannen er derimot heilt avslappa, for han har helg, og skal jo ikkje reisa før på tysdag, og alt kan ordnast seinare. Han har stort sett sett fjernsyn heile helga, og det gjer meg bare meir stressa, sjølv om han faktisk sikkert har tid til å gjera ingenting.

[apple]

I dag har vore ein meir avslappa dag. Har ikkje fått gjort noko på oppgåva, men i det minste så føler eg meg ikkje så stressa. Onkelen min klarte sjølvsagt å koma med ei handleliste til oss i går kveld, sjølv om han veit godt at det er 1. mai i dag, og at butikkane er stengde. Men det var ikkje så mykje han skulle ha tak i, og me fann det han ville ha på ein innvandrarbutikk som var open. Nå skal eg pakka ferdig, eta opp litt banan og sjokolade og rydda ferdig i leiligheiten. I morgon reiser me til Italia!

[apple]

23 grader og sol , og eg er i gang med skrivinga igjen. Reiser truleg inn til Roma ein tur i morgon. Så får me sjå kor mykje anna turist-aktig som blir gjort. Det bør jo helst bli minst mogleg for oppgåva si skuld. Noko anna som står høgt på lista er å gå ein tur langs stranda, gjerne kvar dag. Time will show.