Apple's Math

[Pip]

Så greit med utsetjing på oppgåva! Høyrest veldig fornuftig ut i alle fall - greit å ha dei beste føresetnadane!

Og du kosa deg og slappa av i gårkveld?

[apple]

Pip: Avslapping kan du vera sikker på at eg fekk nok av, både på laurdag og sundag. Så nå må eg henga i for å få lese gjennom heile pensum før eksamen på torsdag...

I dag har eg vore hjå Blodbanken og registrert meg som blodgjevar og teke dei nødvendige prøvane som dei skal bruka til å testa om blodet mitt kan brukast der. Det tok mykje lenger enn eg hadde venta, så eg kom i gang med lesinga seinare enn eg hadde håpa på. Men eg har vore ganske flink å lesa i ettermiddag og i kveld, så eg trur det går greitt likevel. Nå skal eg berre ha ein liten pause, så skal eg lesa litt til (eg har 20 sider igjen av kompendiet).

God måndagskveld til eventuelle tjuvlesarar

[@riel]

Så flink du er som skal donere blod Jeg kunne godt tenke meg å gjøre det fordi jeg vet at det er en gjerning som kan bety liv eller død for et menneske. men jeg har en sånn fryktelig sprøyteskrekk :o :hår:

Du får ha lykke til med lesing til eksamen. Skal nok se at du både kommer igjennom pensumet, og at det fester seg til tenkeboksen

Skal krysse fingrene for deg jeg Apple

[apple]

@riel: Trist at du er redd sprøyter. Teknisk sett så er det jo ikkje sprøyter dei brukar når dei tapper blod, fordi dei faktisk tapper noko frå deg og ikkje sprøyter noko inn i deg. Men eg reknar med at det er sprøytespissen du er redd for, så då hjelper det jo ikkje uansett kva eg seier... Men dersom du vil gjera ei god gjerning som kan bety liv eller død for eit menneske så kan du jo fortelja alle du kjenner (eller i det minste dine nærmaste pårørande) at du er villeg til å donera organa dine dersom du eventuelt skulle døy. Bare ein tanke altså, ikkje noko oppfordring om å døy eller noko...

Eg er berre kjapt innom fordi eg er ganske lei av å lesa. Eg må lesa supermykje i dag, eksamen er i morgon, og eg har framleis omlag 100 sider igjen av pensum som eg ikkje har lese... Men det skal vel gå.

Problemet er at foreldra mine er på besøk. Det er forsåvidt ikkje eit problem, men eg har jo lyst å vera litt sosial medan dei er her, sjølv om dei har sagt at eg skal få lesa så mykje eg vil. Dei skal til og med laga middag til meg ein dag eller to :-). Men akkurat nå er dei hjå bror min, han har hatt eksamen i dag, så nå har han tid til å vera litt med dei før han skal lesa på neste eksamen. Eg må sei at den ferieveka deira kunne ha truffe betre med våre eksamenar... Men det går jo greitt.

Jepp, då må eg tilbake til lesinga. Håpar andre folk har det litt mindre travelt enn meg i dag.

[@riel]

Har tenkt litt på å bli organdonor. Det er litt av et valg å ta. For det er litt skremmende å tenke at noen skal ta Men absolutt noe å tenke på.

Var litt snill idag da. La en 200 lapp i børsa til frelsesarmeen. det hjelper på det også. Har også lyst å bli fadder til et barn. men jeg hører så mye tull om så mange organisassjoner. Kanskje du vet om en der pengene havner der de skal?

Lykke til med eksamen imorgen. Skal krysse både fingrer og tær for deg!

[Pip]

Berre innom med ein lukke- :blomst_opp:. Lukke til både med siste rest av lesing og med eksamen i morgon!

[apple]

Eksamen gjekk faktisk ganske bra! Har slappa av etter at eg kom heim i dag, så får eg vel koma i gang med lesing i dei to siste faga i helga.

Takk for lukkeønskingar! Eg skriv meir seinare. Godnatt.

[@riel]

Titter bare inom for å ønske deg in riktig god helg! Lykke til med lesing

[Pip]

Så deilig at det gjekk fint på eksamen! I dag har eg faktisk fått lest ein del - det var på tide! :o Men av ein eller annan kanskje litt sjuk grunn så trur eg det skal gå greit lell... Er sikkert litt uintelligent å tru det, men eg kan ikkje noko for det...

Ha ein fin 3. søndag i advent!

[apple]

Då var ein eksamen til over, og det er berre ein igjen, på fredag. Uheldigvis så er det den verste som gjenstår. Men eg har jo heile veka å lesa på, problemet er bare å begynna...

Pip og @riel: Tusen takk for lukkeønskingar igjen. Kjekt å sjå at noko følgjer med. :-) Eg skal nok ta meg ein tur innom dykkar dagbøker etter kvart og. Og eg kjenner att følelsen av at det skal nok gå bra sjølv om ein ikkje har lese så mykje. Men hjå meg så pleier det å variera mellom det og ekstrem panikk

Nå skal eg bare slappa av, kanskje steika ein ferdig-pizza til middag etter kvart. Det er jammen slitsamt å ha eksamen...

[@riel]

Heisann Apple!

Takk for hilsen i dagboka mi

Det er alltid vanskelig å sette igang med lesinga. Jeg har alltid vært en slik "siste dagen pugger", men har som regel gått bra det. Tror det passer best for meg, for infoen detter så fort ut igjen av mitt hode

Krysser nå ihvertfall fingrene for at det skal gå bra med deg på eksamen

Vi spiste også ferdigpizza idag. Grei løsning det med mat som lager seg selv

Koz

[Pip]

No er det snart ferie altså!

Og du - eksamenen min GJEKK faktisk ganske greit sjølv om eg hadde lese så lite! :o Ikkje akkurat topp, men greit. Eg får vere nøgd med det - kan ikkje leike superkvinne heller... 70 % jobb og eit sosialt liv tek jo òg tid...

Men du - eg har veldig trua på at det går bra på fredag - du kan godt få overta dei optimistiske vibbane mine viss du vil?

Lukke til nok ein gong i alle fall!

[Gjest Trulselinemor]

Jeg ville bare stikke innom deg for å ønske deg

en riktig god jul

og

et godt nyttår!

Håper du har det bra.

[apple]

@riel og Pip: Tusen takk for lukkeønskingar, gode vibbar og gode ord om lesing. Det gjekk greitt nok på eksamen, så det var jo bra. Men eg må nok skjerpa meg neste semester, og det er litt seriøst denne gongen. Eg har hatt eit unormalt slapt semester, men eg kan kanskje skulda på at det er første semesteret i eit nytt studie på ein ny skule i eit nytt studieland (har aldri studert i Noreg før eg... )

Trulselinemor: God jul og godt nyttår til deg og! (eg er eigentleg ikkje så glad i nissar, men denne var ganske festel, så eg brukar han likevel )

Nå er altså eksamen over, og det er heilt fantastisk herleg! Eg pleier faktisk å verta litt deppa når eksamen er over, eller i det minste veldig rastlaus og tiltakslaus, leva litt utanfor meg sjølv nokre dagar liksom. Ikkje fordi eg synest at eksamen er så fantastisk kjekt, men fordi eg har haldt på med eksamen ganske intenst i ein periode, og fordi før eksamensperioden har eg vanlegvis haldt på med innleveringar og andre studieting ganske intenst i nokre månader, så når eksamen er slutt har eg opplevd eit antiklimaks, sjølv om eg har vore glad for å vera ferdig. Men denne gongen var det ingen antiklimaks. Ingen mini-depresjonar og ingen tiltakslaushet. Greitt nok, eg har slappa av og sove mykje, men berre fordi eg var trøytt og sliten etter eit par korte netter og mykje lesing. Men eg er i topp humør, og alt er fint! Hurra!! Dette er kanskje fordi eg ikkje har studert så intenst dette semesteret... Som sagt: Eg MÅ skjerpa meg neste semester...

Elles så har eg vore svært oppteken av å sjå handball i det siste. HEIA NOREG!!!! Den kampen i går var jo bare heilt topp, og det var ikkje så verst å sjå på i dag heller, men vanvittig nervepirrande. Eg tok ein 90-minutts sykkeltur før finalen i dag, så eg var sliten då kampen begynte. Og det var kanskje ikkje det beste utgangspunktet, for den kampen var slitsom å sjå på!! Men Noreg vann, og det fortente dei, og alt var bra! HURRA!!!!! Eg trur at kvinnehandball er den idretten eg synest det er absolutt kjekkast å sjå på. Eg hugsar at eg var på eit par kampar i Stavanger for nokre år sidan då fire-nasjonars-turneringa kom innom der, og det var heilt fantastisk! Kanskje eg skal reisa til EM i Sverige om to år? (det fristar med VM i Russland neste år, men då er det vel eksamen igjen... )

Som sagt så tok eg ein sykkeltur i dag. Eg betsemte meg for at nå hadde det vorte så bart og fint ute at eg kunne ta ein tur i aust-marka. Eg syklar då til Ellingsrudåsen, derifrå til Mariholtet, Rustadsaga, Østensjøvannet, så bur eg ikkje så langt frå Bryn. Det er fine breie grusvegar der eg syklar i marka, og det såg veldig fint ut heilt fram til Mariholtet. Men derifrå og dei neste 6 kilometrane (resten av turen i marka) var det lengre strekk med isbelagt veg. Eg måtte rett og slett gå av sykkelen og vakla meg framover på den speilglatte isen (på joggeskor...) Det var fantastisk å sykla igjen, men eg trur eg ventar til det vert atskillig varmare før eg prøver meg på ein tur i marka igjen...

I morgon skal eg ut og kjøpa dei siste julegåvene og litt meir innpakningspapir. I år er første år på lenge eg har hatt (eller teke meg) tid til å tenkja på julegåver før eg er heilt ferdig med eksamen. Så i år føler eg at eg har funne fine gåver til alle, og eg har gode idear til kva eg skal kjøpa til dei siste i morgon. Då er det kjekt å gje gåver!!

God førjulstid til alle som er innom!

[Gjest baby-E]

heisann!

Bare titter innom for å ønske deg en riktig god jul!

[Pip]

Eg og mannen ynskjer deg og mannen ei riktig god jul!

[@riel]

Titter innom med ønske om en riktig god jul, og et spennende nytt år!

[apple]

baby-E, Pip (og mannen) og @riel: God jul og godt nyttår

I morgon reiser me til foreldra mine, og blir verande til måndag føremiddag. Mannen skal arbeida i romjula, og det er eigentleg berre greitt. Så får me litt tid for oss sjølv, og eg får kanskje til og med gjort unna ein del av oppgåva som vart utsett til januar...

I dag fekk eg vita at syskenbarnet mitt har fått namn, og dei brukte jammen eitt av namneforslaga eg og mannen kom med! Då vart me litt stolte...

Eg var i Tøyenbadet i dag (lenge sidan sist :-?), og eg symde 1500 meter. Gjekk ganske greitt. Dei har heldigvis ope i romjula, så eg kan fortsetja å vera flink... Eg håpar berre at alle andre er opptekne med familieselskap og slikt, slik at det ikkje er så mange i bassenget når eg er der...

God jul!

[apple]

Nå er eg altså tilbake etter ei fin julehelg hjå mine foreldre. Det var kjekt å vera der etter at me har feira julafta hjå svigers i to år på rad. Me hadde kjempegod kalkun og mykje anna godt, og alle fekk eigentleg ganske geniale gåver.

Me hadde fått vaskemaskin av mor og far alt i starten av desember, og nå fekk me dessutan mykje anna fint, til dømes spelet "Carcassone: Jegere og samlere" som me har spelt mange gonger alt. Kjempekjekt! Me fekk og elektrisk tannbørste, så nå held me på å læra å pussa tennene på nye og spanande måtar...

Av mannen fekk eg to bøker av Donald E. Knuth: Surreal Numbers og 3:16 Bible Texts Illuminated. Eg har begynt på den første, og den er heilt meg, handlar om ein type tal som er definerte på ein veldig abstrakt måte, og så beviser dei ein del ting om desse tala som gjer at ein ser at dei er definerte på ein smart måte. Kjekt for meg, truleg kjedeleg for storparten av resten av verdas befolkning... Den andre boka har eg ikkje lese endå, men eg har sett litt i henne, og eg er allereide nøgd med boka fordi det er mange illustrasjonar der bibelvers er skrivne på ulike kunstneriske kalligrafiske måtar. Eg skriv litt kalligrafi sjølv, og det var mange fine inspirasjonskjelder i den boka. Men eg trur det skal verta kjekt å lesa boka og, eg er i alle fall interessert i ein del teologiske emne, likar best teologiske preiker og liknande, så det ser bra ut.

Me hadde planlagt å feira nyttår heime, nokre vennar hadde sagt at dei trudde dei ville koma. Så tenkte me at me skulle besøka svigers første helga etter nyttår. Men dei planane vart endra på fleire måtar. Først måtte vennane avlysa, rettare sagt utsetja, dei kjem hit rett over nyttår i staden. Så fekk mannen beskjed om at han vert sendt til Kina av jobben måndagen etter den helga me hadde tenkt å reisa til svigers. Ei rask omrokkering av planane førte då til at me bestemte oss for å reisa til svigers onsdag kveld (kjem fram torsdag morgon), og verta verande der til like over nyttår. Så kjem vennane hit litt etter at me kjem tilbake. Og mannen slepp å stressa så mykje med å pakka ut og pakka igjen på ein gong dagen før han reiser til Kina. Det vert nok ei litt mindre avslappande romjul enn me hadde tenkt, men me er ganske nøgde med den løysninga me kom opp med likevel.

Trur kanskje eg må ta med meg oppgåva mi til svigers, den eg fekk utsett til etter nyttår, så får eg kanskje gjort litt? Det er jo verdt eit forsøk. Målet var å få gjort litt i dag, og det burde vel òg gå greitt, må berre koma igang... :-?

[Pip]

Takk for sist!